Вучні 9 "В", 9 "С" класа, удзельнікі "Клуба прыхільнікаў роднай мовы" наведалі музей "Лянок" і экспазіцыю, прысвечаную паэтцы-зямлячцы Ніне Мацяш у Белаазерскай гімназіі. Невядомыя старонкі жыцця Н.Мацяш, яе кнігі паэзіі і перакладаў зацікавілі і натхнілі з вялікай павагай адносіцца да нашай культурнай спадчыны. Запомніліся самабытныя экспанаты музея : намітка (жаночы галаўны ўбор), ільняныя ручнікі, балотаступы, кросны, саламяны павук-абярэг, рукзак з лыка. Расказалі і пра працэсы апрацоўкі лёну, і пра віды ручнікоў, і пра розныя традыцыі побыту нашых продкаў, людзей зямлі бярозаўскай.
Н.А.Крук